Sentro multi-funshonal Brievengat ta disponé di ofisina pa uzo flèksibel.
Sentro multi-funshonal Brievengat den su bachi nobo ta ofresé varios fasilidat ku habitantenan i organisashonan di bario por hasi uzo di dje. Un di e fasilidatnan nobo ku e sentro aki ta brinda ta un asina yama ofisina flèksibel. Esaki ta un ofisina diseñá pa multiple uzo, unda organisashon nan di bario i instansianan di Gobièrnu òf priva por hasi uzo di dje pa un tempu pre-akordá.
E meta di e ofisina flèx ta pa brinda prinsipalmente organisashon nan chikitu di bario ku no ta disponé di un edifisio i/òf kantor pa tene reunion of hasi organisá trabou nan boluntario na benifisio di e bario korespondiente.
Tambe instansia nan Gubernamental por duna un servisio huzando e ofisiná flèx durante di siman i di e forma aki yega mas serka di e hende den bario ku tin nesesidat di un òf mas servisio. Alabes, asosashonnan i otro institutonan privá tambe por hasi uzo di e fasilidat aki pa asina yega mas serka di e hende den bario.
E ofisina flèx nan ta disponé di mueblelaria pa trabou nan administrativo i tambe mesa di reunion. E kamber nan ta disponé di èrko i tambe sistema nan di komunikashon e.o. Internet , WiFi, telefòn, kompiuter i printer ku organisashonnan por aksesá i utilisá.
Uzo di e ofisina flèx ta limitá i ta ser regulá pa SEFBA. Pa por hasi uzo di esaki por tuma kontakto ku un representante di SEFBA na Sentro multi-funshonal Brievengat òf na ofisina prinsipal:
Adrès: Hoogstraat 21, Otrabanda
Telefòn: +599(9) 461 1217
E-mail: info@sefba.org