Djamars 30 sèptèmber 2025 presentashonnan di grupo Serenada a ranka sali enrelashon ku siman di kultura 2025. Serenada su promé presentashon tabata na Sentro di Bario Koraalspecht unda públiko di Koraalspecht i bisindario por a akudí i disfrutá gratuitamente di musika, historia, kanto i baile.
E anochi a kuminsa ku un tayer di tokamentu di Kachu presentá pa Marvin “Pikachú” Snijders. Marvin durante su presentashon a mustrá e públiko presente riba formanan ku un kachu ta wòrdu suplá i e téknikanan ku ta ser uzá pa krea e diferente zonidonan for di un kachu.
Despues di e presentashon di Marvin e fiesta mes a ranka sali huntu ku grupo Serenada unda miembro nan di e grupo a splika varios aspekto di e musika, letra i melodia ku nan ta presentá. Adishonalmente publikó a risibí un splikashon tambe di e instrumento ku kada unu ta dominá pa por yega na e totalidat musikal.
E último presentashon di Serenada relashona na Siman di Kultura edishon 2025 ta djabièrnè 3 di òktober na Sentro Multi-funshonal Brievengat entre 6’or i 8’or pm.