Fecha: 7 mei 2023
Orario: 10 am pa 10 pm
Dushi Grill, delisioso sòpi
bar bon surti
Músika bibu: Kaha òrgel, Típiko, Dj
Grandioso: Bazar kultural S.M.B
Fundashon SEFBA ta un organisashon ku a ser funda dia 1 di Yanüari 2012.
E organisahon SEFBA a salí for di e proyekto Plan Nashonal pa Desaroyo di Barionan na Kòrsou, komo parti di e programa di gobernashon 2011-2014.
SEFBA ta un órgano di desaroyo pa formashon i edukashon di e hende den barionan di Kòrsou. Su metanan ta basá riba mehorashon di e esfera di bida den su aspekto edukashonal, sosial i rekreativo den e barionan di Kòrsou.
E tema nan mas importante ta Norma i Balor, Relashonnan Sosial, Seguridat, Partisipashon Sosial pa krea un mihó siudadano.
SEFBA pa medio di su plataforma a krea un instrumento pa eduká i forma siudadanonan pa medio di sentronan di bario multi-funshonal ku e ta disponé i sostené. Pa medio di e sentronan di bario, SEFBA ta ehersé su metanan i servisionan pa yega na habitantenan i tambe organisashonnan di bario.