Domino ta un di e wega nan mas popular riba Kòrsou.
Ta un deporte no físiko ku e yu di tera i tambe bishitantenan por hunga ku hopi pashon, Den kuadro di desaroyo sosial i nos salud, SEFBA ta promové wega di domino no profesional den tur bario di Kòrsou.
E kontribushon importante ku wega di domino bou di habitantenan di bario i bishitantenan ta pa krea aktividatnan sosial ku lo krea un sosiedat mas habitabel. Interkambio di kultura i e konekshon entre bisiña i konosí nan den bario ta forma un bon base pa e konekshon mas profundo entre e hende di bario.
Hasiendo uzo di e fasilidatnan na Sentro di Bario (SdB) Kustbatterij por organisá atardi di Domino i torneonan di Domino ku por ser tene paden i pafó di e sala di bario. Interesadonan por aserka personal di SEFBA ku nan idea i yega na palabrashon pa uzo di e fasildat pa e meta aki.