Bario di Gibraltar konosé un Sentro di Bario nobo.
6 di novèmber 2020 Gobièrnu di Kòrsou huntu ku Fundashon Kas Popular a hasi entregá di yabi di Sentro di Bario Gibraltar. Ta trata di un proyekto ku Gobièrnu di Kòrsou a inisiá den kuadro di e plan di urgensia pa drecha barionan na Kòrsou. Ku e renobashon aki, SEFBA ta dispone di un Sentro di Bario funshonal ku lo sirbi e bario di Gibraltar i bisindario ku varios funshonalidat unda habitantenan i organisashonnan di bario por hasi uzo di dje.
Minister Hensley Koeiman di SOAW huntu Direktor di sektor Victor Monk i Arthur Con, Direktor di Fundashon Kas Popular tabata na enkargo pa hasi entrega di yabi na Direktora di SEFBA sra. Elizabeth, kua ta e organisashon ku lo operá i manehá e Sentro di Bario (SdB).
E sentro di bario ta disponé di espasionan pa organisá aktividatnan paden i pafó. Esaki ta disponé di un sala di bario, kancha di mini futbòl i área di rekreo familiar.
E renobashon ta e promé di dos fase planiá na e SdB Gibraltar. Den e promé fase a hasi renobashon di e edifision prinsipal i athunto a renobá e kancha di mini futbòl i área di rekreo. Den e di dos fase lo hasi konstrukshon di un edifisio nobo unda lo bini ofisinanan flèksibel, ku organisashon di bario por hasi uzo di dje.
Sentro di Bario Gribraltar lo ta aksesibel di djaluna pa djabièrnè i riba petishon pa aktividatnan sosial òf deportiva durante di wikènt.